മലയാള സിനിമയില്‍ ചുരുങ്ങിയ കാലം കൊണ്ട് സ്വന്തമായ ഒരിടം നേടിയ താരമാണ് സൈജു കുറുപ്പ്. ഏതു തരത്തില്‍പ്പെട്ട കഥാപാത്രങ്ങളും കയ്യടക്കത്തോടെ ചെയ്യുമെന്നതാണ് സൈജുവിന്റെ മികവ്.
എന്നാല്‍ ഇപ്പോള്‍ തന്റെ മനസ്സിനെ വേദനിപ്പിച്ച ഒരു സംഭവത്തെപ്പറ്റി തുറന്നു പറയുകയാണ് സൈജു. ആട് എന്ന സിനിമയില്‍ വര്‍ക്ക് ചെയ്യാന്‍ അതിയായ ആഗ്രഹമുണ്ടായപ്പോഴാണ് ചാന്‍സ് ചോദിച്ച് സംവിധായകന്‍ മിഥുന്‍ മാനുവല്‍ തോമസിനെ വിളിക്കുന്നത്.
അപ്പോള്‍ മിഥുന്‍ പറഞ്ഞ രണ്ട് മറുപടികളില്‍ ഒന്ന് തന്നെ വിഷമിപ്പിക്കുന്നതും, മറ്റൊന്ന് സന്തോഷിപ്പിക്കുന്നതുമായിരുന്നുവെന്നും അദ്ദേഹം പറഞ്ഞു.
”നിങ്ങള്‍ മലയാള സിനിമയില്‍ നിന്ന് പുറത്തായ നടനാണ് എന്നാണ് ഞാന്‍ കരുതിയത്, പക്ഷേ നിങ്ങളുടെ തിരിച്ചുവരവ് ഗംഭീരമായിരുന്നു. ‘ആട്’ എന്ന സിനിമയില്‍ എല്ലാം ഗ്രാമീണരായിട്ടുള്ള കഥാപാത്രങ്ങളാണ്, അതില്‍ താങ്കളുടെ അപ്പീയറന്‍സിന് പറ്റിയ വേഷമില്ല”.
മിഥുന്‍ തിരിച്ചു വരവിനെക്കുറിച്ച് പറഞ്ഞ കാര്യത്തില്‍ തനിക്ക് സന്തോഷം തോന്നിയെങ്കിലും പക്ഷെ ‘ആട്’ എന്ന സിനിമയില്‍ ചാന്‍സ് ചോദിച്ചപ്പോള്‍ പറഞ്ഞ മറുപടി വിഷമമുണ്ടാക്കുന്നതായിരുന്നു’. സൈജു കുറുപ്പ് പറയുന്നു.
